2014-09-21 22:10:36

Bakı-Şamaxı magistral yolunun Şamaxı rayonu ərazisindən keçən hissəsində dəhşətli qəza hadisəsi baş verib.

Axar.az xəbər verir ki, yük avtomobili ilə "Mersedes" markalı maşının toqquşması nəticəsində 4 nəfər hadisə yerindəcə keçinib. Xəsarət alanların da olduğu bildirilir.

Hadisə yerində DYP əməkdaşları araşdırma aparır.

Ətraflı məlumat veriləcək…

2004-09-22 -9:45:00

Qəzaya 99 CS 488 dövlət nömrə nişanlı "Mersedes" yük avtomobili ilə 99 DV 061 nömrəli "Mersedes" düşüb.

Nəticədə minik avtomobilinin sürücüsü Əlövsət İsmayılov və sərnişinlər - Fuad Abdulrəhmanlı, Elşad Hüseynov və Elçin Məmmədov hadisə yerindəcə dünyasını dəyişiblər.

Qəzaya yüksək sürətin səbəb olduğu ilkin irəli sürülən ehtimallardandır.

Hadisə ilə bağlı DYP araşdırma aparır.

11:48

Yol qəzası nəticəsində dünyasını dəyişən Fuad Abdulrəhmanlı "Türküstan" qəzetinin redaktoru idi.

Allah rəhmət eləsin!

***

14:32

Dəhşətli qəza ilə bağlı Daxili İşlər Nazirliyi rəsmi xəbər yayıb.

Axar.az DİN-in rəsmi saytına istinadən xəbər verir ki, sentyabrın 21-də saat 21 radələrində Şamaxı şəhərində Şəki şəhər sakini Əlövsət İsmayılovun və Oğuz rayon sakini Nurlan Məmmədəliyevin idarə etdikləri "Mercedes" markalı avtomobillər toqquşub. Ə.İsmayılov və sərnişinləri - Şəki şəhər sakinləri Elçin Məmmədov, Elşad Hüseynov və Bakı şəhər sakini Fuad Abdulrəhmanlı hadisə yerində ölüblər.

Ə.İsmayılovun avtomobilinə baxış zamanı 100 qram marixuana aşkar edilərək götürülüb.

BDYPİ tərəfindən araşdırma aparılır.