Ağsu rayonunun təbii qaz təchizatında məhdudiyyətlər olacaq.

"Azəriqaz" İB-nin İctimaiyyətlə əlaqələr şöbəsindən Axar.az-a verilən məlumata görə, qaz nəqli sistemində təmir-quraşdırma işlərinin aparılması ilə əlaqədar bu gün saat 13:00-dək Ağsu rayonunun bir hissəsinə təbii qazın verilişində fasilələr yaranacaq.

***

Bakı şəhəri Nəsimi rayonu Bülbül prospektində yol infrastrukturunun yenidən qurulması çərçivəsində ərazidən keçən su və kanalizasiya xətləri yenilənir.

"Azərsu" ASC-nin mətbuat xidməti və ictimaiyyətlə əlaqələr şöbəsindən Axar.az-a bildiriblər ki, bununla əlaqədar sentyabrın 25-də saat 10-dan etibarən Nəsimi və Nərimanov rayonlarının bir hissəsinə içməli suyun verilməsi 24 saat müddətində dayandırılacaq.