Yuxarı

Xələf Xələfov braziliyalı diplomatla görüşdü

Ana səhifə Toplum
12 Punto 14 Punto 16 Punto 18 Punto

Xarici İşlər nazirinin müavini Xələf Xələfov Azərbaycanda səfərdə olan Braziliya Xarici İşlər nazirinin Əməkdaşlıq, mədəniyyət və ticarətin təşviqi məsələləri üzrə müavini Hadil Fontes da Roşa Viannanı qəbul edib.

Bu barədə Axar.az-a Xarici İşlər Nazirliyinin Mətbuat Xidmətindən məlumat veriblər. Görüş əsnasında Xələf Xələfov Azərbaycanla Braziliya arasında əlaqələrin mövcud səviyyəsinin məmnunluq doğurduğunu qeyd edərək, mədəniyyət, humanitar və iqtisadi sahələrdə əməkdaşlığın daha da inkişaf etdirilməsi üçün geniş potensialın olduğunu diqqətə çatdırıb. O, ölkələrimizin beynəlxalq təşkilatlar çərçivəsində də fəal əməkdaşlıq etdiyini qeyd edib.

Artıq ikincə dəfə Azərbaycana səfər etdiyini bildirən Hadil Fontes da Roşa Vianna iki ölkə arasında münasibətlərin inkişafında səfirliklərin rolunu yüksək qiymətləndirib. İqtisadi böhrana baxmayaraq, Azərbaycan ilə Braziliya arasındakı ticarət dövriyyəsinin həcminin artdığını deyən qonaq ölkəmizin Braziliyanın etibarlı tərəfdaşı olduğunu bildirib.

Ermənistan-Azərbaycan Dağlıq Qarabağ münaqişəsi və onun doğurduğu fəsadlar haqqında danışan Xələf Xələfov münaqişənin regionda sülhə və təhlükəsizliyə ciddi təhdid olduğunu qeyd edərək, münaqişə ilə əlaqədar BMT Təhlükəsizlik Şurası tərəfindən qəbul edilmiş qətnamələrin tələblərinin Ermənistan tərəfindən hələ də yerinə yetirilmədiyini vurğulayıb.

Xələf Xələfov Azərbaycanın təşəbbüsü ilə regionda həyata keçirilən müxtəlif irimiqyaslı layihələr haqqında məlumat verərək, bu layihələrin region dövlətləri arasında əməkdaşlığın inkişafında və ticarət dövriyyəsinin artmasında rolunu diqqətə çatdırıb.

Tarix
2014.10.01 / 17:18
Müəllif
İlkin Həsənov
Şərhlər
Digər xəbərlər

İlham Əliyev fərman imzaladı

İlham Əliyev bu kompleksin açılışında... - Foto

Paşinyan “bir aya sülh” dedi, sərhəddə atəş açıldı

Nikol rus ordusunu çıxardır: İrəvana bu ölkənin qüvvələri gəlir

Mövqelərimizin atəşə tutulduğu ərazilər - Foto

Qarabağla bağlı bütün həqiqət məhz budur - Paşinyan

Obrayen sirləri açdı: İrəvan sülhlə bağlı fikrini dəyişdi - Şok

AKP-nin nümayəndə heyəti Şuşaya gəlir

Ermənilər Naxçıvanı atəşə tutdu: Ordumuz cavab verdi

ABŞ-dan Bakı və İrəvana: Kremlin başı qarışıb, tez edin!

KULT
<>
Xəbər xətti
Axar.az'da reklam Bağla
Reklam
Bize yazin Bağla