Milli Şuranın sədri Cəmil Həsənlinin qızı idarə etdiyi avtomobillə adam vurub.

Axar.az xəbər verir ki, bu barədə Feysbuk sosial şəbəkəsində məlumat yayılıb.

Məlumata görə, Cəmil Həsənlinin qızı Günel Həsənli Yasamal rayonunda ona məxsus KİA markalı avtomobilini idarə edərkən yolu keçən 86 yaşlı bir qadını vurub.

"O, vurduğu qadını xəstəxanaya aparsa da, məsuliyyətdən yayınmaq məqsədilə həkimlərə yalan danışıb. Deyib ki, "bu qadın yolda yıxılmışdı, mən də gətirdim". Lakin sonradan hüquq-mühafizə orqanlarına bununla bağlı məlumat daxil olub. Araşdırılıb və məlum olub ki, o yol nəqliyyat hadisəsi törədib və nəticədə 86 yaşlı qadın ağır bədən xəsarəti alıb", - yayılan məlumatda qeyd olunub.