Hadisə rayonun Aşağı Quşçu kəndi ərazisində baş verib.

Kəpəz TV xəbər verir ki, yolu keçmək istəyən 20 yaşlı kənd sakini Niyaməddin Eyvazovu naməlum avtomobil vurub və yolun digər tərəfinə ataraq hadisə yerindən uzaqlaşıb.

Kənd sakinləri dərhal zərərçəkəni Tovuz Mərkəzi rayon xəstəxanasına çatdırıblar. Xəstəxanadan verilən məlumata görə, zərərçəkən baş nahiyəsindən güclü zədə alıb.

Qeyd edək ki, Niyaməddin Eyvazov Aşağı Quşçu kəndində marketdə işləyirmiş. Elə hadisə də o, işdən çıxıb evə gedərkən baş verib.

Faktla bağlı araşdırmalara başlanılıb.