Ana səhifə Toplum |
Cəza çəkməkdən azad edilmiş şəxslər minimum əmək haqqının 4 misli məbləğində müavinətlə təmin edilib.
Bu barədə Axar.az-a Əmək və Əhalinin Sosial Müdafiəsi Nazirliyindən məlumat veriblər. Məlumata görə, Nazirliyin Əhalinin sosial müdafiəsi mərkəzləri tərəfindən bu ilin 9 ayında penitensiar müəssisələrdə cəza çəkməkdən azad edilmiş, tibbi və sosial yardıma ehtiyacı olan 3 min 550 nəfər şəxs birdəfəlik pul müavinəti verilib. Qanunvericiliyə əsasən, keçmiş məhkumlar minimum əmək haqqının 4 misli məbləğində, yəni 420 manat məbləğində birdəfəlik pul müavinəti alıb.
Həmçinin istehsalat qəzası, peşə xəstəliyi nəticəsində sağlamlığını itirmiş və ya həlak olmuş işçilərin ailə üzvlərindən ibarət 1560 nəfərə aylıq və birdəfəlik müavinət ödənilib. Bundan başqa, Ermənistan Respublikasının müəssisələrində əmək xəsarəti və ya peşə xəstəliyi nəticəsində dəymiş zərərə görə ödənc almaq hüququ olan qaçqın statuslu zərərçəkənlər və ləğv edilmiş kolxoz və sovxozlarda əmək xəsarəti və ya peşə xəstəliyi nəticəsində zərər çəkən 498 nəfər kompensasiya ilə təmin olunub.
Tarix
2014.10.17 / 17:21
|
Müəllif
Nigar İxtiyarqızı
|