Ana səhifə Toplum |
Azərbaycan Prezidenti İlham Əliyev bu gün ASAN Xidmət işçilərinin bir qrupunu peşə bayramı günü münasibətilə və dövlət xidmətlərinin göstərilməsinin təkmilləşdirilməsində səmərəli fəaliyyətinə görə təltif edib.
Axar.az xəbər verir ki, “Dövlət qulluğunda fərqlənməyə görə” medalı ilə təltif edilənlərdən biri də Ülvi Mehdiyevdir.
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin (ASAN Xidmət) sədri Ülvi Ramiz oğlu Mehdiyev 1985-ci il 30 yanvarda anadan olub. BDU-nun hüquq fakültəsini bitirib.
2006-2009-cu illərdə Ədliyyə Nazirliyinin Qanunvericilik Baş İdarəsinin məsləhətçisi, aparıcı məsləhətçisi vəzifələrində çalışıb. 2009-2012-ci illərdə Azərbaycan Respublikası Prezidenti Administrasiyasının Hüquq-mühafizə orqanları ilə iş şöbəsində məsləhətçi vəzifəsində işləyib. 2012-ci ildən Azərbaycan Respublikası Prezidenti Administrasiyasının Hüquq mühafizə orqanları ilə iş şöbəsində sektor müdiri olub.
Azərbaycan Respublikası Prezidentinin 2014-cü il 13 fevral tarixli sərəncamı ilə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədr müavini vəzifəsinə təyin edilib.
2018-ci il 27 apreldən Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri vəzifəsini daşıyır.
İngilis və rus dillərini bilir.
Tarix
2018.12.27 / 21:15
|
Müəllif
Axar.az
|