Futbol üzrə Azərbaycan milli komandasının yoldaşlıq görüşü çərçivəsində Tacikistanla, həmçinin UEFA Millətlər Liqası çərçivəsində Lixtenşteyn və Litva yığmaları ilə görüşləri üçün açıqlanacaq heyətin vaxtı bəlli olub.

Axar.az xəbər verir ki, bu barədə Azərtac-a yığmanın baş məşqçisi Ayxan Abbasov məlumat verib.

Mütəxəssis sentyabrın 18-i və ya 19-na kimi heyətin tam bəlli olacağını bildirib.

Qeyd edək ki, Azərbaycan milli komandası sentyabrın 23-də saat 20:00-da “Palms Sports Arena” stadionunda Tacikistan millisi ilə yoldaşlıq görüşündə qarşılaşacaq. Yığma oktyabrın 1-də saat 20:00-da Tofiq Bəhramov adına Respublika Stadionunda Lixtenşteyn, oktyabrın 4-də saat 17:00-da isə “Palms Sports Arena”da Litva millisi ilə üz-üzə gələcək.