ABŞ hesab edir ki, İran İslam İnqilabı Keşikçiləri Korpusu mayın 12-də BƏƏ-nin Fuceyra limanındakı tankerlərə hücum edib.

Axar.az xəbər verir ki, bunu jurnalistlərə açıqlamasında ABŞ Hərbi Dəniz Qüvvələrinin kontr-admiralı Maykl Qlidey deyib.

“Biz Fuceyradakı gəmilərə hücumu SEPAH-ın təşkil etdiyini hesab edirik. Pentaqon müəyyən edib ki, partlayış üçün istifadə edilən maqnitli minalar SEPAH-a məxsusdur”, - deyə o bildirib.

Qeyd edək ki, Qlidey Trampın Yaxın Şərqə 1500 hərbçi göndərməklə bağlı qərarından dərhal sonra çıxış edib.

Fuceyra limanında mayın 12-də bir neçə tanker partladılıb. BƏƏ baş verənləri diversiya hücumu adlandırsa da, Səudiyyə Ərəbistanı birbaşa İranı ittiham edib.