Ölkəmizdə səfərdə olan Qlobal Jurnalistlər Təşkilatının (Küresel Gazeteciler Konseyi) rəhbəri Məhməd Əli Dim, Türkiyənin tanınmış şair, yazar və aydınları millət vəkili Qənirə Paşayeva ilə görüşüblər.

Axar.az xəbər verir ki, millət vəkili görüşdə ortaq problemlərimizin toplumların, gənc nəsillərin və dünya ictimaiyyətinin diqqətinə daha geniş şəkildə çatdırılması üçün Azərbaycanın və türk dünyasının şair, yazar, ziyalıları arasında əməkdaşlığın güclənməsinin vacib olduğunu deyib.

Deputat türk dünyasının ən böyük problemlərindən olan Qarabağ münaqişəsindən, Ermənistanın Azərbaycan torpaqlarının 20 faizini işğal altında saxlamasından, törətdiyi vandalizm aktlarından, Xocalı soyqırımından danışaraq bildirib ki, harada doğulmasından və harada yaşamasından asılı olmayaraq, hər bir türk insanı Qarabağ həqiqətlərinin dünyaya çatdırılması üçün çalışmalıdır.

Qlobal Jurnalistlər Təşkilatının rəhbəri Məhməd Əli Dim Qənirə Paşayeva ilə Azərbaycan-Türkiyə qardaşlığı, Qarabağ həqiqətləri, həmçinin KİV arasında əməkdaşlığın daha da artırılması ilə bağlı fikir mübadiləsi aparıb.