Ana səhifə Toplum |
Bütöv Azərbaycan Xalq Cəbhəsi Partiyasının (BAXCP) sədri Qüdrət Həsənquliyev Azərbaycan Xalq Cümhuriyyəti və milli mətbuat tariximizin fədakar araşdırmaçısı, əvəzolunmaz pedaqoq professor Şirməmməd Hüseynovun vəfatı ilə bağlı başsağlığı verib.
Axar.az xəbər verir ki, BAXCP sədrinin başsağlığı ismarışında deyilir:
“Son 100 ilin böyük azərbaycanlılarından biri – Şirməmməd Hüseynovun vəfatı məni dərindən kədərləndirdi. Şirməmməd müəllimin bir pedaqoq və tədqiqatçı kimi böyük əməyi onun tələbələrinin fəaliyyətində və tarixdə, xatirəsi isə Azərbaycan xalqının qəlbində əbədi olaraq yaşayacaq.
Şirməmməd Hüseynovun vəfatı ilə bağlı onun doğmalarına, yaxınlarına və bu böyük azərbaycanlını sevən hər kəsə dərin hüznlə başsağlığı verirəm.
Allah rəhmət eləsin”.
Tarix
2019.06.25 / 19:35
|
Müəllif
Axar.az
|