21:15

Azərbaycanın Rusiyadakı səfirliyi jurnalist Fuad Abbasovun Rusiyadan deportasiyası ilə əlaqədar məlumat yayıb.

Səfirlikdən Axar.az-a daxil olan məlumatda deyilir:

"25 iyun 2019-cu il tarixində Fuad Abbasov Azərbaycanın Rusiyadakı səfirliyinin nəzarəti altında Azərbaycan Hava Yollarının Moskva-Bakı reysi ilə Azərbaycana yola salınıb".

***

Moskvadan deportasiya olunan Fuad Abbasov artıq Bakıya çatıb. Onu gətirən təyyarə 22:10-da Bakıya enib.

***

Fuadın Rusiyadan Azərbaycana göndəriləcəyi ilə bağlı artıq ümidimizi üzmüşdük.

Bunu Rusiyadan Azərbaycana deportasiya olunan azərbaycanlı jurnalist Fuad Abbasovun atası Malik Abbasov Report-a açıqlamasında deyib.

"Biz ümidimizi kəsmişdik. Düşünürdük ki, orada (Rusiyada – red.) onun əleyhinə işləyənlər var. Bu gün eşitdik ki, Fuadı Azərbaycana yola salıblar. Çox şadam, millətimdən razıyam.

Fuadın heç bir günahı olmayıb, o cinayət edəcək insan da deyil. İstərdim ki, Fuad Azərbaycanda qalsın, bir mövqe tutsun, yaşayıb yaratsın", - deyə o bildirib.

***

Fəaliyyətimi yenidən davam etdirəcəyəm, məhkəməyə mütləq müraciət edəcəyəm.

Bunu Rusiyadan Azərbaycana deportasiya edilən jurnalist Fuad Abbasov deyib.