Axar.az
Yuxarı

Başçı müavininin xanımı və sürücüsü öldü: Özü isə... - Video

Ana səhifə Toplum
12 Punto 14 Punto 16 Punto 18 Punto

09:29

Tovuz rayon icra başçısının birinci müavini Rəşad Zeynalov ailəsi ilə birgə ağır qəzaya düşüb.

Axar.az xəbər verir ki, qəza Bakının Qaradağ rayonu ərazisində baş verib. Məlumata görə, 60 AA 002 dövlət nömrə nişanlı “Hunday Tukson” markalı maşın yoldan çıxaraq aşıb.

Qəza nəticəsində R.Zeynalovun xanımı Əminə Zeynalova və sürücüsü Rövşən Cabbarov dünyasını dəyişib.

R.Zeynalov özü və oğlu isə Kliniki Tibbi Mərkəzə yerləşdirilib.

Məlumatı Tovuz Rayon İcra Hakimiyyətindən də Axar.az-a təsdiqləyiblər.

FHN-nin yaydığı məlumata görə, Dövlət Yanğından Mühafizə Xidmətinin xilasediciləri 1969-cu il təvəllüdlü Cabbarov Rövşən Sabir oğlunun meyitini deformasiyaya uğrayan nəqliyyat vasitəsindən çıxararaq, aidiyyəti üzrə təhvil veriblər.

Səhiyyə Nazirliyi də Ələt yolunda baş vermiş ağır yol nəqliyyat hadisəsi barədə məlumat yayıb. Nazirlikdən bildirilib ki, hadisə ilə bağlı məlumat təcili yardıma saat 1:57-də daxil olub. Hadisə yerinə gələn həkim briqadasının verdiyi məlumata görə, iki nəfər aldığı xəsarətlərdən hadisə yerində dünyasını dəyişib. İki kişi isə ağır vəziyyətdə KTM-ə çatdırılıb.

Hazırda KTM-in reanimasiya şöbəsində müalicələri davam edir.

***

Tovuz rayonundan verilən məlumata görə, R.Zeynalov xanımının onsuz dəfn edilməməsini istəyib və səhhəti o qədər də yaxşı olmasa da, rayona yola düşüb.

KTM-dən Axar.az-a bildirilib ki, hər iki şəxs – həm R.Zeynalov, həm də oğlu evə buraxılıblar.

***

Tovuz Rayon İcra Hakimiyyətindən Axar.az-a bildirilib ki, Əminə Zeynalova Əsrik Cırdaxan, Rövşən Cabbarov isə Abulbəyli kəndində dəfn olunacaq.

***

Ə.Zeynalovanın nəşi yaşadığı Tovuz rayonunun Əsrik Cırdaxan kəndinə gətirilib.

Mərhumun həyat yoldaşı Rəşad Zeynalov da yas mərasimində iştirak edir.

Dəfn bu gün olacaq.

***

Tovuz Rayon İcra Hakimiyyəti başçısının birinci müavini Rəşad Zeynalovun qəzada dünyasını dəyişən xanımı Əsrik Cırdaxan kənd qəbiristanlığında dəfn olunub. Rəşad Zeynalov da yas mərasiminə qatılıb. Onun aldığı xəsarətin ağır olmasına və sərbəst hərəkət edə bilməməsinə baxmayaraq, dəfndə də olduğu bildirilir.

Tarix
2019.11.25 / 16:35
Müəllif
Nigar İxtiyarqızı
Şərhlər
Digər xəbərlər

İran və Azərbaycan birgə layihələr icra edir - Nazir

"12-ci İmam Mehdi"nin işi məhkəməyə göndərildi

Rusiya Azərbaycanın 1 kilometrliyində hərbi baza tikir

Baş nazir və PA rəhbəri Qarabağda - Foto

Bu müavinətlərə ayrılan vəsait artırıldı

İcbari sığorta ilə bağlı məlumatlar siyahısı genişləndirilir

Texniki baxış qaydalarına dəyişiklik edilir

Vətəndaşların Qəbulu Mərkəzi fəaliyyətə başladı

İranın energetika naziri Azərbaycana gəlir

Qanunsuz satılan dərmanlar müsadirə edildi

KULT
<>
Xəbər xətti
Axar.az'da reklam Bağla
Reklam
Bize yazin Bağla