Yükdaşımalar üzrə əsas tərəfdaşlarımız Rusiya Federasiyası, İran İslam Respublikası, Qazaxıstan, Türkmənistan və Gürcüstan respublikalarıdır. Bundan əlavə, ölkəmiz üzərindən tranzit daşınmalar həyata keçirilir.

Axar.az xəbər verir ki, bunu mətbuat konfransında Azərbaycan Dəmir Yolları Qapalı Səhmdar Cəmiyyətinin (QSC) sədri Cavid Qurbanov bildirib.

“Ölkəmiz üzərindən əsasən Qazaxıstanın neft məhsulları daşınır, Çinin elektrik mallarından tutmuş yüksək texnologiyalarınadək olan mallar Avropaya çatdırılır, Rusiyadan kömür, ağac məmulatları, taxıl, dəmir, ümumiyyətlə, daha çox xammal tranzit olunur. Özümüzün ixracımız əsasən neftdir. Bu neftin Gürcüstan limanları vasitəsilə Avropaya çatdırılması təmin olunur. Bundan əlavə neft məhsullarımız, açılan karbamid zavodlarında istehsal olunan karbamid, kükürd də daşınır”.