60 saylı Salyan-Neftçala seçki dairəsindən deputatlığa namizəd Fəzail Ağamalı Yolüstü, Yeni Uluxanlı, Düzənlik kəndlərinin seçiciləri ilə görüş keçirib.

Axar.az xəbər verir ki, görüş F.Ağamalının ərazi bütövlüyümüz uğrunda erməni işğalçılarına qarşı gedən döyüşlərdə şəhid olan Milli Qəhrəman Nazim Babayevin anası Laçın Babayevanı ziyarəti ilə başlayıb.

Daha sonra kənd sakinləri ilə görüşdə Fəzail Ağamalı ölkə Prezidenti İlham Əliyevin daxili və xarici siyasətinin, həyata keçirilməkdə olan və geniş miqyas daşıyan islahatlarının uğurlu nəticələri və ötən 4 ildə deputatlıq fəaliyyəti haqqında seçicilərə ətraflı məlumat verib.

Çıxış edən Fəzail Ağamalının vəkilləri və seçicilər Fəzail Ağamalının üstün siyasi keyfiyyətləri, onun peşəkarlığı və dövlətçiliyimizə göstərdiyi xidmətlər üzərində ətraflı dayanıblar.

Seçicilər birmənalı olaraq qarşıdan gələn parlament seckilərində Fəzail Ağamalıya səs verəcəklərini bir daha bəyan ediblər.