Ana səhifə Toplum |
Sürücüləri narahat edən və saytımızın da dəfələrlə işıqlandırdığı problemli yol kəsişməsinə işıqfor qoyulur.
Axar.az xəbər verir ki, Əhməd Rəcəbli və Cəfər Xəndan küçələrinin kəsişməsində yol hərəkətinin təşkilində dəyişiklik ediləcək. Qeyd edilən yolayrıcı svetofor vasitəsi ilə nizamlanacaq. Bununla əlaqədar kəsişmədə işıqfor obyekti quraşdırılıb. Digər zəruri işlər yekunlaşdıqdan sonra işıqforlar işə salınacaq.
Dəyişikliklər yolayrıcında pik saatlarda nəqliyyat sıxlığını aradan qaldırmaqla yanaşı, yol hərəkəti təhlükəsizliyi səviyyəsinin artırmasına səbəb olacaq. Eyni zamanda, kəsişmədə piyadaların təhlükəsiz hərəkəti üçün əlverişli şərait təmin olunacaq.
Xatırladaq ki, sözügedən kəsişmədə xüsusilə günün pik saatlarında yaranan problem bir neçə dəfə saytımızda işıqlandırılmış və bunun ardınca Bakı şəhər Dövlət Yol Polisi İdarəsinin ictimaiyyətlə əlaqələr şöbəsinin rəisi, polkovnik Vaqif Əsədov açıqlama verərək, problemin həll ediləcəyini bildirmişdi.
Tarix
2020.02.06 / 14:24
|
Müəllif
Nigar İxtiyarqızı
|