10:40

Azərbaycanda keçirilən parlament seçkilərində saat 10:00-dək olan seçici fəallığı açıqlanıb.

Axar.az xəbər verir ki, Mərkəzi Seçki Komissiyası (MSK) Katibliyinin İnformasiya Mərkəzinin müdiri Fərid Orucov 125 seçki dairəsi üzrə 5 573 seçki məntəqəsində seçici fəallığının bu saatadək 12.57 faiz olduğunu bildirib.

O, səsvermə hüququna malik 5 milyon 329 min 461 seçicidən saat 10:00-dək 670 086 nəfərin səs verdiyini deyib.

***

Milli Məclisə keçirilən növbədənkənar seçkilərdə saat 12:00-a olan seçici fəallığı açıqlanıb.

MSK katibliyinin “Seçkilər” İnformasiya Mərkəzinin rəhbəri Fərid Orucov saat 12:00-dək ölkə üzrə seçicilərin 1 milyon 457 min 776 nəfərinin (27,35 faiz) səs verdiyini bildirib.

***

Mərkəzi Seçki Komissiyası Milli Məclisə seçkilərdə ölkə üzrə saat 15:00-dək olan seçici fəallığına dair məlumatı açıqlayıb.

MSK Katibliyinin “Seçkilər” İnformasiya Mərkəzinin rəhbəri Fərid Orucov hesabat saatınadək respublika üzrə seçicilərin 2 milyon 905 min 89 nəfərinin səs verdiyini bildirib. Seçici fəallığı 39,23 faiz təşkil edib.

***

Mərkəzi Seçki Komissiyası Milli Məclisə seçkilərdə ölkə üzrə saat 17:00-dək olan seçici fəallığına dair məlumatı açıqlayıb.

MSK Katibliyinin “Seçkilər” İnformasiya Mərkəzinin rəhbəri Fərid Orucov hesabat saatınadək respublika üzrə seçicilərin 2 milyon 389 min 754 nəfərinin səs verdiyini bildirib. Seçici fəallığı 44,84 faiz təşkil edib.