Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
5 Aprel 2020


MTK-nın hasarı uçdu, maşın əzildi: sürücünü qovdular - Foto

Ana səhifə Toplum
12 Punto 14 Punto 16 Punto 18 Punto

Ötən həftə paytaxtın Nizami rayonu Elşən Süleymanov 49 ünvanında yerləşən H+A MTK-ya məxsus binanın tikintisi üçün çəkilən təhlükəsizlik hasarını külək uçurdub. Nəticədə yaxınlıqda dayanın 90 PJ 985 nömrə nişanlı “Daevo Neksia” markalı avtomobilə ziyan dəyib.

Bu barədə Axar.az-a taksi sürücüsü kimi fəaliyyət göstərən avtomobilin sahibi Mirəli Seyidov məlumat verib. O bildirib ki, küləkli hava şəraitində sözügedən binanın təhlükəsizlik çəpəri avtomobilinin üzərinə düşüb:

“Fevralın 10-u səhər saatlarında Elşən Süleymanov 49 küçəsində, “Nazlı” şadlıq sarayının yaxınlığında avtomobilimi saxlamışdım. Həmin ərazidə yerləşən və tikinti təhlükəsizliyinə əməl edilməyən binanın hasarı qopub, maşınıma ziyan vurdu. Məsələni tikinti aparan MTK-nın mühafizə xidmətinə dedikdə mənə axşam yaxınlaşmağımı məsləhət gördülər. Növbəti dəfə onlar dediyi saatda yaxınlaşdıqda isə ziyanı ödəməyəcəklərini, hara istəyirəmsə, şikayət edə biləcəyimi deyib, məni uzaqlaşdırdılar”.

Nizami Rayon İcra Hakimiyyətindən bildirilib ki, sürücü buna görə polisə və məhkəməyə müraciət etməlidir.

Hüquqşünas Səməd Vəkilov isə saytımıza açıqlamasında sözügedən MTK sahibinin yol verdiyi səhlənkarlığa görə iki ilədək müddətə həbs edilə biləcəyini qeyd edib:

“MTK-nın tikintidə təhlükəsizlik qaydalarını pozması halı varsa, külək nəticəsində olsa belə, avtomobilə dəymiş zərər ödənməlidir. O məqamda həmin yerdə avtomobil deyil, insan da ola bilərdi. Təhlükəsizlik məqsədi ilə hasar çəkilirsə, külək də, digər hallar da nəzərə alınmalıdır və MTK bunları nəzərə almadığı üçün məsuliyyət daşıyır. Əgər MTK bu ziyanı ödəməkdən imtina edirsə, vətəndaş onu məhkəməyə verə bilər. Tikinti qanunvericiliyinin pozulması halı aşkarlanarsa, MTK sahibi Cinayət Məcəlləsinin 222.1-ci maddəsinə əsasən bir ilədək müddətə islah işləri və ya iki ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə və ya edilməməklə iki ilədək müddətə azadlıqdan məhrum etmə ilə cəzalandırılır”.

Qeyd edək ki, sığorta halı əsasən avtomobilə 200 manatdan yuxarı ziyan dəyəndə yaranır. M.Seyidov ziyanın daha az olması səbəbindən sığortaya müraciət etmədiyini bildirib.

Tarix
2020.02.18 / 13:25
Müəllif
Mahir, Nərmin
Şərhlər
Digər xəbərlər

TƏBİB könüllü həkim axtarır: korona ilə mübarizə...

Əhaliyə güzəştli işıq limiti artırılır

Paşayevadan çağırış: Çörəyi pulsuz edin!

Kamal yardım apardı və meydan oxudu - Video

Bu günki hadisələr peyğəmbərin hədislərində... – Şeyx

Evdə qal və əməliyyatları Müştəri Bankla et!

Azərbaycanlı deputat vəfat etdi

Şirvanda 60-dan çox sürücü cərimələndi

KİVDF-nin yeni rəhbəri kimdir? - Dosye

TN-in yeni "Qaynar xətt"i fəaliyyətə başlayır

KULT
<>
Xəbər xətti
 
  
  
  
  
yatsan
Axar.az'da reklam Bağla
Reklam
Bize yazin Bağla