Təkcə beşulduz otellər deyil, Avaxıl kəndindən gələn işıq mənbələri, yoldan keçən maşın işıqları gecələr müşahidə aparmağa mane olur.

Axar.az xəbər verir ki, bunu N.Tusi adına Şamaxı Astrofizika Rəsədxanasının direktoru, AMEA-nın müxbir üzvü Namiq Cəlilov bu gün keçirilən mətbuat konfransında deyib.

O, bununla bağlı lazımi tədbirlərin görüləcəyini bildirib:

"Biz aidiyyəti şəxslərlə bununla bağlı razılığa gəlmişik və artıq həll yolu tapılıb. Gecələr müşahidə aparılan zaman otelə zəng edilir. Otelin rəsədxanaya baxan hissəsində işıqların üstü qoruyucu örtüklərlə örtülür. Həmçinin müzakirə olunub ki, otelin işıqlandırılması üçün olan işıqlar yerə vurulsun. Hündür ağaclar əkilsin ki, toz bizim cihazlara mane olmasın. Bu tədbirlərin hamısı nəzərdə tutulub və həyata keçiriləcək".