Ana səhifə Toplum |
Azərbaycanda fevralda və martın əvvəlinə qədər koronavirus xəstəliyi idxal olunurdur. Yəni Azərbaycan vətəndaşları xarici ölkələrdə yoluxub qayıdırdılar. Ancaq indi ölkə daxilində də bu xəstəliyin yayılması baş verib.
Axar.az Report-a istinadla xəbər verir ki, bu sözləri Nazirlər Kabineti yanında Operativ Qərargahın keçirdiyi mətbuat konfransında Səhiyyə nazirinin müavini Viktor Qasımov deyib.
O bildirib ki, ölkə daxilində yayılma prosesi baş verdiyi üçün daha geniş tədbirlərə ehtiyac duyulur:
"Bu xəstəlik əsasən cənub zonasında daha çoxdur. Çünki ilk vaxtlar sərhədlər xüsusilə İranla tam bağlanmamışdı", - deyə nazir müavini bildirib.
Qeyd edək ki, Azərbaycanda indiyə qədər 72 nəfər koronavirusa yoluxub. Onlardan 10 nəfəri sağalıb, biri dünyasını dəyişib. Hazırda 61 nəfərin müalicəsi davam edir.
Ümumilikdə isə 1000 nəfərə yaxın şəxs karantindədir.
Tarix
2020.03.23 / 23:00
|
Müəllif
Axar.az
|