Keçmiş iqtisadi inkişaf naziri Heydər Babayev bayramda ölkə xaricində olub.

Axar.az-a verilən məlumata görə, eks-nazir Novruz bayramını Londonda keçirib. Onun oğlunun İngiltərə paytaxtında yaşadığı xəbərlər sırasında yer alır. Sabiq nazir də bayram günlərində istirahəti Azərbaycandan kənarda edib.

H.Babayevin 2008-ci ildən etibarən Londonda biznes əlaqələrini genişləndirdiyi bildirilirdi.

Qeyd edək ki, 2008-ci ildə vəzifəsini itirən H.Babayev cəmi bir neçə gün sonra ölkəni tərk etmişdi. O, ara-sıra Bakıya gəlsə də, əsasən Azərbaycandan kənarda yaşamağa üstünlük verirdi.

Sabiq nazir Londona bağlılığı təsadüfi deyil. H.Babayev xeyli müddət yəhudi əsilli milyarder Vladimir Qusinskinin sahibi olduğu "Mostbank"ın London filialında məsul vəzifələrdə çalışıb. O, Azərbaycanın Qiymətli Kağızlar üzrə Dövlət Komitəsinə rəhbər təyin olunmazdan öncə də məhz "Mostbank"ın London filialında fəaliyyət göstərib və eyni zamanda, Qusinskinin "Mostholdinq"ində vitse-prezident postunu tutub.