Ölkə üzrə 55,1 faiz yoluxma Bakının payına düşür. Paytaxtda ən yüksək yolxuma halı Yasamaldadır - 12,4 faiz.

Axar.az xəbər verir ki, bu sözləri TƏBİB İdarə Heyətinin sədri Ramin Bayramlı Operativ Qərargahın bügünkü brifinqində deyib.

Qurum rəsmisinin sözlərinə görə, hazırda karantin rejimin qaydalarına əməl olunmamasına görə ümumi testlər arasında yoluxma halları 11 faiz təşkil edir:

“Yoluxanların 21%-i 50-59 yaş arası, 4%-i 70-79 yaş arası 4 faiz, 5%-i 0-9 yaş arası, 6%-i 10-19 yaş arası, 14%-i 20-29 yaş arası, 18%- 30-39 yaş arası, 15%-i 40-49 yaş arasıdır. Digər ölkələrlə müqayisədə ölkəmizdə qadınlar arasında yoluxmalar daha yüksəkdir - 54 faiz. Bu da yas mərasimlərinə toplaşmaqla bağlıdır. Elə yas yeri var ki, orada 84 nəfər yoluxma faktı aşkarlanıb.

Ölkə üzrə aktiv yoluxma halı Bakının payına düşür – 57%. Sumqayıt 15 faiz, Abşeron 14 faiz, Gəncə 3 faizdir. Biləsuvar, Astara, Ağcabədi, Yevlax, Şəki, Cəlilabadda yoluxma hallarında artım müşahidə olunur. Bu isə karantin rejiminə davam etdirilməsinin vacib olduğunu göstərir”.

Qeyd edək ki, Teleqraf Media Qrupunun rəhbəri, politoloq Aynur Camalqızı rayonlarda təşkil edilən böyük yas mərasimlərinin kütləvi yoluxmaya səbəb olduğu haqda ötən gün paylaşım edib və rəsmi qurumlara müraciət ünvanlayıb.