Axar.az
Yuxarı

Axar.Az Logo

Fransada təqdimat: erməni təxribata cəhd etdi – Foto

Ana səhifə Toplum
12 Punto 14 Punto 16 Punto 18 Punto

Fransada "Azərbaycan – Cənubi Qafqazın lider dövləti" adlı kitabın təqdimat mərasimi keçirilib.

Axar.az xəbər verir ki, "A2Cmedia" nəşriyyatı tərəfindən çap olunan kitabın tərtibçiləri Paris-1 Panteon Sorbon Universitetinin fəxri sədri, Beynəlxalq Geosiyasət Akademiyasının prezidenti, Parisin V rayonu merinin müavini professor Jak Soppelsa və Azərbaycan Respublikası Prezidenti Administrasiyasının xarici əlaqələr şöbəsinin əməkdaşı, Paris-1 Panteon Sorbon Universitetinin siyasi elmlər doktoru Turab Qurbanovdur.

Jak Soppelsanın rəhbərliyi ilə nəşr olunan 190 səhifəlik məqalələr toplusundan ibarət kitabın ön sözünün müəllifi Fransanın ölkəmizdəki sabiq səfiri Bernar Dorəndir. V rayonunun meriyasında keçirilən təqdimat mərasimini açan Jak Soppelsa Cənubi Qafqazın lider dövləti Azərbaycana Fransada böyük marağın olduğunu nəzərə alınaraq, belə bir kitabın nəşrinə zərurət yarandığını söyləyib.

J.Soppelsa Ermənistan – Azərbaycan, Dağlıq Qarabağ münaqişəsindən, Azərbaycanın bir çox beynəlxalq təşkilatlara üzv olmasından və iqtisadiyyatının sürətlə inkişaf etməsindən də söhbət açıb.

Azərbaycanın Fransadakı səfiri Elçin Əmirbəyov demokratik və dünyəvi ölkəmizin qədim sivilizasiyanın beşiyi kimi Şərqlə Qərbin qovuşuğunda yerləşdiyini, Rusiya, Türkiyə, İran, Gürcüstan və Ermənistanla həmsərhəd olduğunu qeyd edib. O, 1918-ci ildə yaradılmış Azərbaycan Xalq Cümhuriyyətinin müsəlman Şərqində ilk demokratik quruluşlu dövlət olduğunu, qadınlara seçib-seçilmək hüququnun verildiyini, lakin bu dövlətin cəmi 23 ay yaşadığını diqqətə çatdırıb. Azərbaycanın yalnız 70 ildən sonra öz müstəqilliyini bərpa etdiyini, ilk illərdə iqtisadi və siyasi çətinliklərlə üzləşdiyini bildirib. Səfir 70 illik totalitar rejimdən xilas olan Azərbaycanda ötən əsrin 90-cı illərinin ortalarından sabitliyin bərqərar olunduğunu, ölkənin iqtisadi inkişaf yoluna qədəm qoyduğunu, qısa vaxtda dünyanın aparıcı dövlətləri arasında nüfuzunun artdığını bildirib.

Azərbaycanın Avropa ölkələri ilə əməkdaşlığından bəhs edən Fransanın İqtisadi, Sosial və Ətraf Mühit Şurasının sabiq üzvü, Paris Beynəlxlaq və Siyasi Elmlər İnstitutunun professoru xanım Patrisya Mamet Azərbaycanın Avropa təsisatları ilə əlaqələrindən, Avropanın enerji təhlükəsizliyinin təmin edilməsində rolundan, Avropa İttifaqı ilə əməkdaşlığından söhbət açıb.

Azərbaycan Respublikası Prezidenti Administrasiyasının xarici əlaqələr şöbəsinin əməkdaşı, Paris-1 Panteon Sorbon Universitetinin siyasi elmlər doktoru Turab Qurbanov kitabda toplanmış məqalələrdə bəhs edilən məsələlər barədə məlumat verib. Kitabda J.Soppelsanın "Cənubi Qafqazın geosiyasəti – Azərbaycan güc münasibətlərinin mərkəzində", "Azərbaycan və "yumşaq güc": idmandan humanitar Davosa", T. Qurbanovun "Ermənistan - Azərbaycan münaqişəsinin hüquqi aspekti tərəflərin nöqteyi-nəzərində", BMT-nin İnformasiya İdarəsinin sabiq direktoru səfir Hassen Fodhanın "Azərbaycan-BMT münasibətləri: beynəlxalq sülh və əməkdaşlıq naminə əməkdaşlıq", Beynəlxalq Geosiyasət Akademiyasının üzvü, siyasi elmlər doktoru Karol Blijsverdin "Azərbaycan və enerji çağrışları: neft zənginliklərindən alternativ enerjiyə", Paris Şərqi Kretey Universitetinin idarəetmə və beynəlxalq mübadilələr fakültəsinin dekanı professor Jan-David Avenelin "Azərbaycanın iqtisadiyyatı: müasir vəziyyət və perspektivlər", Patrisya Mametin "Azərbaycan və Avropa institutları: gələcək inteqrasiya naminə hüquqi və təşkilatı islahatlar" və Bakı Dövlət Universitetinin müəllimi Fazil Zeynalovun "Azərbaycan: İpək yolu üzərində dövlətçilik ənənəsinin zəngin tarixi" məqalələri toplanıb.
Qeyd edək ki, qondarma erməni soyqırımının "100 illiyi" ərəfəsində daha çox təxribat törətməklə fəallaşan ermənilər bu tədbirdə də belə əməllərindən çəkinməyiblər. Fransadakı erməni diasporunun təqdimatda iştirak edən nümayəndələrindən biri ölkəmizin tarixinə kölgə salmaq məqsədilə təxribat xarakterli sual verib. Səfir E.Emirbəyov bu suala faktlar əsasında tutarlı cavab verib və erməni tərəfin əsassız iddialarını ifşa edib.

Tarix
2015.04.07 / 01:30
Müəllif
Axar.az
Şərhlər
Digər xəbərlər

Bakı və Ankara qondarma soyqırımı sistemli ifşa edəcək

İcra başçısının müavini və baş memar işdən çıxarıldı

Ramazanın 10-cu günü: duası, imsak və iftar vaxtı

Aynurun köməyinizə ehtiyacı var

Kamal Abdulla Mərmərə Universitetində dərs keçəcək

Perenciyev: Bakının təzminat tələb etmək hüququ var

Fransalı hüquqşünas: Gördüklərimiz müharibə cinayətidir!

DİN-də kollegiya iclası keçirildi

Cabbarov: İlham Əliyev yəhudi icmasını diqqətdə saxlayır

Qətl: maşını Salyanda, meyiti Sabirabadda tapıldı

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla