Ana səhifə Toplum |
Bir neçə şəxsə qarşı işgəncə ilə bağlı yayılmış fotoların Baş Mütəşəkkil Cinayətkarlıqla Mübarizə İdarəsinə və ümumiyyətlə, Azərbaycanın daxili işlər orqanlarına aidiyyəti yoxdur.
Bunu Axar.az-a Daxili İşlər Nazirliyinin (DİN) Mətbuat Xidmətinin rəisi Ehsan Zahidov deyib.
Onun sözlərinə görə, bu fotoların Azərbaycanda çəkilməsi barədə deyilənlər tamamilə yalan və uydurmadır:
“Fotolarda görünən şəxslərin heç biri Azərbaycan vətəndaşı deyil. Həmin fotolar lap çoxdan başqa ölkədə çəkilib. Çünki insanlar qış geyimindədirlər. Bir daha deyirəm ki, təxribat məqsədilə yayılan həmin fotoların Azərbaycanın hüquq mühafizə orqanlarına heç bir aidiyyəti yoxdur”.
Fotolarda yer alan və Azərbaycana məxsus dövlət nömrə nişanlı avtomobilin qarşısında şəkil çəkdirən şəxslə bağlı isə Ehsan Zahidov bildirib ki, Azərbaycanın polis sıralarında elə bir adam tanımır.
Fotolarda Azərbaycan bayrağının da yer alması ilə bağlı sualı Ehsan Zahidov belə cavablandırıb:
“Bu da təxribat məqsədilə edilib. Azərbaycan bayrağını dünyanın istənilən yerində harasa qoyub şəkil çəkmək olar”.
Tarix
2020.08.11 / 17:17
|
Müəllif
Axar.az
|