Pandemiya səbəbindən Novruz bayramında nəzərdə tutulan qeyri-iş günlərində karantinin sərtləşəcəyi, rayonlara gediş-gəlişin qadağan ediləcəyi ilə bağlı iddialar səsləndirilir. Maraqlıdır, bu iddialar bölgələrdə fəaliyyət göstərən otellərin işinə necə təsir edib? Bayram günlərində otellərdə bayram şənliyi olacaq?

Axar.az-ın bölgələrimizdəki otellər arasında keçirdiyi sorğunu təqdim edirik:

Marxal otel: Martın 20-21-i üçün otelimizdəki bütün otaqlar rezerv edilib. Bayramla əlaqədar tədbir keçirilməsi nəzərdə tutulmayıb. Yalnız qonaqlar üçün otelin restoranında canlı musiqi olacaq.

Qalaaltı otel: Novruz bayramı ilə əlaqədar şənliyin olub-olmayacağı ilə bağlı hələlik məlumat yoxdur. Otel otaqları rezerv olunub, lakin pandemiya ilə bağlı necə olacağını bilmirik.

Relax otel: Novruzla bağlı canlı musiqi olacaq. Hazırda otelimizdə boş yer var. Qonaqların sayının çox olması gözlənilmir.

Xəzər Palas: Dəqiq məlumat yoxdur. Lakin böyük etimalla canlı musiqi olacaq. Bayram günlərində oteldə qonaq sayının çox olması nəzərdə tutulur.

Quba Palas: Təntənəli şəkildə olmasa da, Novruz bayramı üçün şənlik nəzərdə tutulub. Əyləncə və şou proqram olması planlaşdırılır, lakin hələlik dəqiq məlumat yoxdur. Otelimizdə bayram günlərində qonaq sayının çox olması gözlənilir.

Ayan Palas: Hələlik Novruz şənliyi nəzərdə tutulmur. Bayram günləri üçün boş otaqlarımız var.