AzerGold QSC Kəlbəcərdə yerləşən “Tutxun” təzahür sahəsində ilkin axtarış-kəşfiyyat işlərinə başlayıb.

Axar.az xəbər verir ki, bunu Report-a açıqlamasında “AzerGold”un Mətbuatla iş sektorunun müdiri Ariz Tarverdiyev deyib.

Onun sözlərinə görə, “Tutxun” təzahür sahəsi Kəlbəcər rayonunun ərazisində, Tərtərçayın sağ qolu olan Tutxun çayının hövzəsində yerləşir:

“Təzahür sahəsində qızıl, gümüş, civə və mis metallarının olduğu proqnozlaşdırılır. Təzahür sahəsi 1958-ci ildə kəşf edilib”.

O qeyd edib ki, AzerGold QSC-nin axtarış-kəşfiyyat proqramına əsasən ilkin mərhələdə kameral qiymətləndirmə və məsafədən tədqiqat işləri aparılır.