Axar.az
Yuxarı

Bahalaşma nə qədər davam edəcək?

Ana səhifə Toplum
12 Punto 14 Punto 16 Punto 18 Punto

2020-ci ildə pandemiya şəraiti bir çox iqtisadi və əsas istehsal sahələrini məcburi məhdudiyyətlərlə üzləşdirdi. Ötən il pandemiyadan çıxandan sonra tələbatın artmasına baxmayaraq, məhdudiyyətlə üzləşən iqtisadi fəaliyyət sahələri əvvəlki vəziyyətinə qısa müddətdə qayıda bilmədi. Bu səbəbdən bütün dünyada bahalaşma başladı. Bunlar Azərbaycana təsir etməyə bilməzdi. Unutmayın ki, ərzaq məhsulları sarıdan biz bir çox istiqamətlərdə idxaldan asılıyıq.

Bu sözləri Axar.az-a iqtisadçı Pərviz Heydərov Dövlət Statistika Komitəsinin ərzaq bahalaşması ilə bağlı açıqladığı yeni statistika barədə danışarkən deyib.

”Rəsmi göstəricilər ümumi xarakter daşıdığından biz həmin məhsullar üzrə bahalaşmanın dəqiq səviyyəsini müəyyən edə bilmirik. Keçən il ərzində çörək, un və digər un məhsulları üzrə dövlət tərəfindən müəyyən güzəştlər tətbiq edilməsəydi, xüsusən ərzaqlıq buğdanın ölkəyə idxalı üzrə məhdudiyyətlər aradan götürülməsəydi, bu sahədə bahalaşma daha çox olardı. Ötən ildən məlum idi ki, çörək və digər un məhsulları üzrə bahalaşmadan qaçmaq mümkün olmayacaq. Bahalaşma tendensiyası hələ ki, davam edir. Ən yaxşı halda bu ilin 1-ci rübünün sonuna qədər bahalaşmanı müşahidə edəcəyik”, - iqtisadçı bildirib.

O qeyd edib ki, 2021-ci il ərzində ölkədə bütövlükdə bütün istehlak qiymətləri bahalaşıb. Artıq məlumdur ki, keçən il ərzində istehlak qiymətlərinin indeksi təxminən 7%-ə qədər artıb:

“Ən çox bahalaşan isə ərzaq məhsullarında oldu. Statistika göstərir ki, dekabr ayı ərzində noyabra nisbətən ərzaq məhsulları 1%-dən çox bahalaşıb. 2020-ci ilin dekabr ayı ilə müqayisədə isə bu rəqəm 12% təşkil edib. Rəsmi statistika özü də keçən il ərzində ilin sonuna qədər ərzaq məhsullarının indeksini, yəni qiymətlərinin bahalaşdığını qeydə alıb. Statistika Komitəsi keçən ilin yekunlarını açıqlamayıb. Yanvar-noyabr aylarının göstəriciləri məlumdur. Dekabr ayının isə bütün göstəriciləri açıqlanmayıb. Bu səbəbdən keçən ilin ümumi yekunundan danışmaq hələ çətindir”.

Qeyd edək ki, Dövlət Statistika Komitəsinin məlumatına görə, 2021-ci ilin dekabr ayında Azərbaycanda istehlak qiymətləri indeksi (yəni bahalaşma) əvvəlki aya nisbətən 101,6%, 2020-ci ilin dekabr ayı ilə müqayisədə isə 112% təşkil edib.

Tarix
2022.01.18 / 11:53
Müəllif
Aytəkin Qardaşova
Şərhlər
Digər xəbərlər

“Nar” əyləncə dolu yay kampaniyasına start verir

Güclü külək ağacı maşının üzərinə aşırdı - Foto

Əməkdaşımız İsveçrəyə dəvət edildi

DİN-də polis mayoruna yüksək vəzifə verildi

Sabiq xanım başçının fəaliyyət dövrü araşdırılır

II qrupa qəbul imtahanı keçirildi

Azercell-in sosial layihə müsabiqəsinin final turu baş tutdu

Sabah bu ərazilərdə qaz olmayacaq

Əməkdar jurnalist xəstəxanaya yerləşdirildi

136 abituriyentin nəticələri dəyişdirildi

KULT
<>
Xəbər xətti
Axar.az'da reklam Bağla
Reklam
Bize yazin Bağla