Yəməndə təxminən 20 milyon insanın tibbi yardıma ehtiyacı var.

Axar.az xəbər verir ki, bunu Ümumdünya Səhiyyə Təşkilatının baş direktoru Tedros Adhanom Qebreyesus deyib.

O bildirib ki, münaqişə səbəbindən insanların kütləvi şəkildə köç etməsi fonunda vəba, qızılca, poliomielit və denqe qızdırması riskləri artır.

Qebreyesus qeyd edib ki, ölkədəki son eskalasiya onsuz da ağır olan səhiyyə böhranını daha da ağırlaşdırıb.

"Yəməndə təxminən 20 milyon insanın tibbi yardıma ehtiyacı var. Səhiyyə müəssisələrinə edilən hücumlar, dərman və yanacaq çatışmazlığı və yönləndirmə xidmətlərindəki fasilələr sistemi çökmə həddinə çatdırır", - deyə o, Cenevrədə keçirilən brifinqdə bildirib.