Nazir Səlim Müslümov Göygöl rayonunda 6 şəhər və rayonun sakinləri ilə görüşüb.

Əmək və Əhalinin Sosial Müdafiəsi Nazirliyindən Axar.az-a verilən məlumata görə, nazir Göygöl rayonunda həmin rayonun və Gəncə, Samux, Daşkəsən, Tərtər, Kəlbəcər rayonlarının sakinlərini fərdi qaydada qəbul edib.

Qəbulda nazir bildirib ki, müharibə əlilləri və onlara bərabər tutulan şəxslərin minik avtomobili ilə təminatı davam edəcək:

"İlin sonunadək 400 avtomobilin alınması üçün müvafiq vəsait köçürülüb. Onlardan artıq 100 ədədi bu günlərdə təqdim olundu. Qalan hissəsi də yaxın aylar ərzində qeyd olunan təbəqədən olanlara veriləcək".

Nazir bildirib ki, bu təbəqədən olan ailələr üçün tikilən evlərin də təmiri artıq bitib:

"Yaxın günlərdə mənzillərin ailələrə verilməsinə başlanılacaq. Gəncə şəhərində, Göygöl, Samux, Daşkəsən, Tərtər rayonlarında da fərdi evlər inşa edilir".