Yuxarı

Musiqi məktəbindəki aksiyanı kim təşkil edib?

Ana səhifə Toplum
12 Punto 14 Punto 16 Punto 18 Punto

Göyçay şəhər Arif Məmmədov adına Uşaq Musiqi Məktəbində kollektivin yeni direktora qarşı aksiyasını məktəbin köhnə rəhbərliyi təşkil edib.

Bu barədə Axar.az-a Mədəniyyət Nazirliyindən bildirilib.

Qeyd olunub ki, nazirliyin tabeliyində fəaliyyət göstərən Göyçay şəhər Arif Məmmədov adına Uşaq Musiqi Məktəbinin direktor müavini və bəzi müəllimlərinin yeni direktor təyinatına qarşı itaətsizlikləri və etirazları nəticəsində məktəbdə yaranan vəziyyətlə bağlı mediada yayımlanan məlumatlarla əlaqədar və məktəbin ümumi fəaliyyətinə dair nazirlik tərəfindən xidməti araşdırma aparılıb.

Araşdırma nəticəsində müəyyən olunub ki, məktəb rəhbərliyinin, həmçinin bəzi müəllimlərin təşkilatçılığı və iştirakı ilə ictimai qaydanı kobud surətdə pozan, vətəndaşların təhsil müəssisəsinə və müəllimə etimadının azalmasına, müəssisənin normal iş fəaliyyətinin iflic edilməsinə səbəb olan hərəkətlərə yol verilib, bunun nəticəsində təhsil müəssisəsində sağlam işgüzar mühit korlanıb. Eyni zamanda, məktəbdə tədrisin təşkili ilə bağlı ciddi nöqsanların olması, “Korrupsiyaya qarşı mübarizə haqqında” qanunun 7-ci maddəsinin tələblərinin pozularaq vəzifəli şəxslərin yaxın qohumlarının birgə işləməsinə yol verilməsi, məktəbin fəaliyyətində dövlət vəsaitinin israf edilməsi halları, korrupsiya ilə əlaqədar hüquqpozmalara yol verildiyi barədə məlumatlar aşkar olunub.

"Sentyabrın 1-də məktəbdə baş verən hadisənin iştirakçıları olan müəllimlərin əksəriyyəti məktəb rəhbərliyinin qohumları olmaqla sabiq direktor Rövşən Zamanovun bacısı, bacısının həyat yoldaşı, bacısının qızı, bibisi nəvəsi və tədris işləri üzrə direktor müavini Afət Məmmədovanın qudası, qardaşının həyat yoldaşı, qızının əri, qızının ərinin qardaşı və digər qohumlarından ibarətdir.

Bildiririk ki, qeyd olunan hallarla bağlı qanunvericiliyə uyğun olaraq hüquq-mühafizə orqanlarına müraciət olunmuşdur. Eyni zamanda, hazırda məktəbdə sağlam işgüzar mühitin yaradılması, vətəndaşların təhsil müəssisəsinə və müəllimə etimadının bərpa olunması, müəssisənin normal iş fəaliyyətinin təşkil olunması istiqamətində zəruri tədbirlər görülməkdədir", - Mədəniyyət Nazirliyindən qeyd olunub.

Tarix
2022.09.30 / 15:58
Müəllif
Axar.az
Digər xəbərlər

Mirziyayevin Azərbaycana səfəri əhəmiyyətlidir, çünki...

Rusiyadan Azərbaycana gələn turist sayında azalma var?

Bakı-Moskva gərginliyi: Ərdoğanın bu sözləri Putinədir

Xankəndidə Şimali Kipr bayrağının asılması... - Tatar

Əliyevlə danışdım: Suriya ilə bağlı buna hazırdır

Ərdoğandan Bakı-Moskva gərginliyinə münasibət

Əliyev buna çox önəm verir: Zəngəzur dəhlizi açıldığı zaman...

Azərbaycanla Pakistan arasında memorandum imzalandı

Türkiyədən Rusiyaya sərt siyasi mesaj: Koalisiyaya qoşuldu!

Prezident venesuelalı həmkarını təbrik edib

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla