Yuxarı

Ermənilərin sui-qəsd çağırışı: diplomatlarımız təhlükədədir

Ana səhifə Toplum
12 Punto 14 Punto 16 Punto 18 Punto

Ermənilərin sosial şəbəkələrdə Azərbaycan dövlət nümayəndələrini və diplomatlarını hədəf alan çağırışlarının arxasında siyasi qruplar dayanır. Onlar ASALA və digər terrorçu qruplardır ki, erməni diasporunun himayəçiliyi ilə müxtəlif ölkələrdə fəaliyyət göstəriblər və indi də göstərirlər.

Bu sözləri Axar.az-a politoloq İlqar Vəlizadə ermənilərin sosial şəbəkələrdəki çağırışlara münasibət bildirərkən deyib.

Erməni diasporu tərəfindən formalaşdırılan terrorçu qrupların hazırda gizli şəkildə fəaliyyət göstərdiyini deyən politoloq bildirib ki, sosial şəbəkələrdə müzakirə olunan sui-qəsd çağırışlarına ciddi yanaşmaq lazımdır:

“Erməni diasporu tərəfindən mütəşəkkil surətdə təşkil olunmuş müəyyən qruplar var. Onlar müxtəlif ölkələrdə fəaliyyət göstərirlər. Sadəcə olaraq, latent şəkildədir və fəaliyyətləri bir o qədər də gözə çarpmır. Bu bizə məlumdur. O təşkilatlar hamısı məxfi və qeyri-qanunidir. Onlar lazımi vaxtda, müəyyən siqnaldan sonra hərəkətə keçə bilərlər. Sosial şəbəkələrdə yayılan hədə-qorxular ondan xəbər verir ki, qruplar aktivləşir. Bu da müəyyən təhlükə törədir. Bu ilin əvvəllərində Fransada yerləşən diplomatik nümayəndəliyə olan hücumda, müxtəlif dövrlərdə Azərbaycanın ictimai-siyasi şəxslərinə qarşı aksiyalarda, xaricdə yaşayan vətəndaşlara qarşı törədilən xəsarətlərdə bu cür destruktiv qüvvələrin əli olub”.

O, erməni qrupların həyata keçirdiyi cinayət əməllərinə qarşı sərt reaksiya verilmədiyini bildirib:

“Bununla bağlı araşdırmalar aparılıb, cinayət işi qaldırılıb. Təəssüflər olsun ki, təsirli reaksiya yoxdur. Odur ki, biz diqqətli olmalıyıq. Vətəndaşlarımız ayıq-sayıq davranmalıdır. Təhlükəsizlik işləri aparılmalıdır ki, bizim diplomatik nümayəndələrimizə və xaricdə yaşayan soydaşlarımıza qarşı cinayətlər törədilməsin”.

Qeyd edək ki, son günlər ermənilərin sosial mediada azərbaycanlı dövlət nümayəndələrinin və diplomatların hədəfə alınmasına dair çağırışları ciddi narahatlıq yaradıb. Bununla bağlı Azərbaycan İnsan Hüquqları üzrə Müvəkkili bəyanat yayıb. Bildirib ki, Ermənistan tərəfi azərbaycanlılara qarşı nifrətə yol açan siyasətindən əl çəkməli, həmçinin, aidiyyəti beynəlxalq təşkilatlar insan hüquqlarına zidd olan bu əməllərin qarşısının alınması üçün zəruri tədbirləri görməlidirlər.

Tarix
2023.08.22 / 09:00
Müəllif
Vüsalə İsgəndərova
Digər xəbərlər

Sobçak Rövşən Məmmədovu hədəfə aldı - Video

Makrondan erməni dilində paylaşım: Azərbaycanla sülh...

AB-dən ABŞ-ın rüsum qərarı ilə bağlı sərt gedişat

Ermənilərin işgəncə vermələrini əks etdirən kadrlar göstərildi

"AccessBank"ın xalis mənfəəti 7 milyon manat azaldı

Xəzər dənizi barədə son açıqlama: Quruyacaqmı?

"Aqro Point"in nizamnamə kapitalı yenə azaldı

Ələsgər Ələsgərov nazir müavini təyin olundu

Bakı və İrəvanın danışıqları... - Tramp

Orduda Tovuz döyüşlərinin ildönümü qeyd olundu

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla