Azərbaycan Respublikası Dövlət Sosial Müdafiə Fondunun sədri Elman Mehdiyev yanvarın 22-də saat 11:00-da Qusar şəhərindəki Heydər Əliyev Mərkəzində Qusar, Quba, Xaçmaz, Şabran və Siyəzən rayonlarının sakinləri olan məcburi dövlət sosial sığorta ödəyiciləri və pensiyaçılar üçün qəbul keçirəcək.

Fondun mətbuat xidmətindən Axar.az-a verilən xəbərə görə, qəbula yazılmaq və əlavə məlumat almaq istəyən vətəndaşlar Dövlət Sosial Müdafiə Fondunun [email protected] elektron poçt ünvanı, həmçinin aşağıdakı telefon nömrələri ilə əlaqə saxlaya bilərlər.

Fondun Aparatında (012) 434-12-34, Qusar rayon şöbəsində (02338) 5-40-94, Quba rayon şöbəsində (02333) 5-26-15, Xaçmaz rayon şöbəsində (02332) 5-05-25, Şabran rayon şöbəsində (02335) 3-39-48, Siyəzən rayon şöbəsində (02330) 4-09-04 nömrəsi ilə əlaqə saxlayaraq qəbula yazılmaq olar.

Qəbulda iştirak edəcək vətəndaşların yanvarın 22-də Fondun müvafiq rayon şöbələrinin inzibati binasının qarşısından xüsusi ayrılmış nəqliyyatla qəbulun keçiriləcəyi ünvana aparılıb-gətirilmələri təmin olunacaq.