Heydər Əliyev Beynəlxalq Aeroportu ərazisində müştərilərə ən yüksək səviyyədə xidmət üçün ABB bu məkandakı şöbəsini filiala çevirib.

Yeni filialda fərdi müştərilərin, eləcə də bizneslərin maliyyə xidmətlərinə olan ehtiyaclarının təmin edilməsi üçün hər cür şərait yaradılıb.

Müştərilər ABB-nin başqa xidmət ofislərində olduğu kimi Hava Limanı filialında də müxtəlif növ kassa-hesablaşma əməliyyatları, kreditlər, əmanətlər, pul köçürmələri, ödəniş kartlarının sifarişi, nağd valyuta ilə əməliyyatlar və s. bu kimi xidmətlərdən faydalana bilərlər.

Qeyd edək ki, Heydər Əliyev Beynəlxalq Aeroportu ərazisində ABB müştərilərə xidmət göstərən yeganə bankdır. Bankın İdarə Heyəti sədrinin birinci müavini İlham Həbibullayev bildirib ki, Hava Limanı filialının fəaliyyəti xüsusi əhəmiyyət daşıyır: “Heydər Əliyev Beynəlxalq Aeroportunda təmsil olunmaq Bankımız üçün çox mühümdür. Strateji partnyorlarımızdan olan AZAL və bu məkandakı digər tərəfdaşlarımızla çalışacağıq ki, birgə əməkdaşlığımızı yeni inkişaf mərhələsinə çıxaraq”.

ABB-nin müasir, faydalı və universal məhsul və xidmətləri barədə məlumatları Bankın filial və şöbələrindən, https://abb-bank.az/ rəsmi internet səhifəsindən və ya 937 nömrəli Məlumat Mərkəzindən, həmçinin rəsmi Facebook səhifəsindən əldə etmək olar.