Birinci Qarabağ müharibəsində itkin düşmüş hesab edilən və şəxsiyyəti dəqiqləşdirilmiş Hidayət Nəsir oğlu Qarayev Şuşada dəfn olunub.

Axar.az xəbər verir ki, Hidayət Qarayevlə vida mərasimi Yuxarı Gövhər Ağa məscidinin qarşısında keçirilib. Mərasimdə Şuşa rayonunda Azərbaycan Respublikası Prezidentinin xüsusi nümayəndəliyinin, Şuşa Şəhəri Dövlət Qoruğu İdarəsinin, hüquq-mühafizə orqanlarının əməkdaşları və sakinlər iştirak ediblər.

Vida mərasimindən sonra Hidayət Qarayevin nəşi Şuşa şəhər məzarlığında torpağa tapşırılıb.

Qeyd edək ki, Hidayət Nəsir oğlu Qarayev 1927-ci ildə Şuşa şəhərində anadan olub. 1992-ci il mayın 8-də Şuşa şəhəri işğal olunan zaman itkin düşüb. Onun nəşinin qalıqları Xankəndi şəhəri ərazisində aşkarlanıb.