Xəbər verdiyimiz kimi, Ermənistan Azərbaycanla sərhəddə üzərində səlibçi xaçının əks olunduğu bayraqlar qaldırıb. Bu il oktyabrın 8-də yayılmış məlumatda bildirilirdi ki, Ermənistanın dövlət sərhədində qaldırdığı bayraqların üzərində səlibçi xaçları aydın görünür.

Axar.az APA-ya istinadla xəbər verir ki, dünən saat 17-18 radələrində erməni tərəfi Vorotan kəndi ərazisinə qaldırıcı kran gətirib, üzərində xaç olan bayrağı endirib, yerində Ermənistanın üzərində xaç olmayan dövlət bayrağını qaldırıb.

Dünən saat 20 radələrində isə ermənilər kranla Şurnux kəndindəki xaçlı bayrağı endirib, yerində üzərində xaç olmayan, adi bayraq qaldırıblar.