Yuxarı

Məktəbli dərsdə canlı yayım açdı, araşdırma başladı

Ana səhifə Toplum
12 Punto 14 Punto 16 Punto 18 Punto
Məktəbli dərsdə canlı yayım açdı, araşdırma başladı

Gəncə şəhər C.Cabbarlı adına 6 nömrəli tam orta məktəbin şagirdinin dərs zamanı mobil telefondan istifadə edərək sosial şəbəkədə canlı yayım açması məsələsinə münasibət bildirilib.

Gəncə-Daşkəsən Regional Təhsil İdarəsindən Axar.az-a bildirilib ki, ümumi təhsil müəssisələrində təlim-tərbiyə işinin düzgün təşkili, daxili nizam-intizam qaydalarına əməl olunmasına nəzarət əsas prioritetlərdəndir.

Qeyd edilib ki, bu məqsədlə digər aidiyyəti dövlət qurumları ilə birgə monitorinqlər, profilaktik tədbirlər, görüşlər həyata keçirilir. Bu zaman məktəblilərin “Ümumi təhsil müəssisələrində şagird davranış qaydaları”na əməl edilməsi vəziyyəti müşahidə olunur, bu istiqamətdə zəruri maarifləndirmə işi aparılır.

Gəncə şəhər C.Cabbarlı adına 6 nömrəli tam orta məktəbin şagirdinin dərs zamanı mobil telefondan istifadə edərək sosial şəbəkədə canlı yayım açması ilə bağlı hüquq mühafizə orqanları tərəfindən araşdırma aparılır.

Hadisə ilə əlaqədar olaraq Gəncə-Daşkəsən Regional Təhsil İdarəsinin müvafiq əmri ilə komissiya yaradılıb, məktəbin direktoruna təhsil müəssisəsində sağlam tədris mühitinin təmin olunması üçün pedaqoji heyətlə və şagirdlərlə maarifləndirici söhbətlərin aparılması tapşırılıb. Təhsil müəssisəsində sosial-psixoloji mühiti təkmilləşdirmək məqsədi ilə peşəkar psixoloqlarla birlikdə təhsilalanların iştirakı ilə davamlı görüşlərin həyata keçirilməsi nəzərdə tutulub.

Bununla yanaşı, şagirdin valideyni ilə təhsil müəssisəsində görüş keçirilib, maarifləndirici söhbət zamanı belə halların yolverilməz olduğu diqqətə çatdırılıb.

Şagirdin yeniyetməlik dövru olduğunu, araşdırma prosesinin davam etdiyini nəzərə alaraq ictimaiyyətdən də bu mövzuda daha həssas davranmalarını, paylaşımlarda rəsmi qurumların açıqlamalarına istinad etməyi xahiş edirik.

Tarix
2025.01.15 / 13:51
Müəllif
Axar.az
Digər xəbərlər

Prokurorluğa qəbulla bağlı imtahan nəticələri açıqlandı

Qriqoryan Azərbaycana gəldi - Mühüm razılaşma...

Ölkədə bu qurum bağlanır? - Rəsmi cavab

Ramiz Mehdiyev bu vəzifədən də çıxarıldı - Sərəncam

Dənizdə külək enerjisi layihəsinə dair müqavilə imzalandı

Hacıyev Brüsseldə NATO Baş Qərargahında - Foto

İlham Əliyev Szinpinə başsağlığı verdi

Paşinyan qorxur: Bakı ilə sülhə qədər KTMT-dən çıxsa...

Prezident Coze Ramuş-Hortanı təbrik etdi

Prezident albaniyalı həmkarına məktub göndərdi

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla