Yuxarı

Astma xəstələri “havasız” qaldı: bu dərman ölkəyə niyə gətirilmir?

Ana səhifə Toplum
12 Punto 14 Punto 16 Punto 18 Punto

“Salbutamol” tərkibli aerozol dərmanının ölkəyə idxalı həyata keçirilmir.

Bu sözləri Axar.az-a Səhiyyə Nazirliyi Analitik Ekspertiza Mərkəzinin İctimaiyyətlə əlaqələr və kommunikasiya şöbəsinin müdiri Mətin Məcidli astma xəstəliyindən əziyyət çəkən şəxslərin istifadə etdiyi dərmanın apteklərdə tapılmaması haqda danışarkən deyib.

Onun sözlərinə görə, ölkəyə dərman vasitələrinin gətirilməsi Səhiyyə Nazirliyi və onun qurumlarının səlahiyyətləri çərçivəsindən kənardır və əsasən müxtəlif özəl şirkətlər tərəfindən idxal edilir:

“Salbutamol” tərkibli aerozol dərman vasitələri barəsində tərəfimizdən ölkə ərazisində əczaçılıq fəaliyyəti ilə məşğul olan iri topdansatış idxalçı şirkətlərlə şifahi sorğu aparılıb. Sorğu zamanı şirkətlər bildirib ki, dərman vasitəsinin təsiredici maddəsi olmadığına görə istehsalçı şirkətlər tərəfindən sözügedən tərkibli dərman vasitəsinin istehsalında problemlər yaranıb. Bu səbəbdən də hazırda idxalı həyata keçirilmir”.

Mətin Məcidli əlavə edib ki, qeyd olunan dərman vasitəsinin eyni təsirə malik digər ticarət adı olan dərman vasitəsinə dəyişdirilməsi ilə bağlı xəstələrin müalicə həkiminə müraciət etmələri tövsiyə olunur.

Qeyd edək ki, astma xəstəliyindən əziyyət çəkən şəxslərin mütəmadi olaraq istifadə etdiyi “Salbutamol” dərmanı bir neçə aydır ki, ölkəyə gətirilmir. Sonuncu dəfə dərmanın kütləvi satışı dekabrda həyata keçirilib. Hazırda satışda az sayda qalan bu dərman apteklərdə öz qiymətindən (5 manat 40 qəpik) dəfələrlə baha qiymətə satılır.

Tarix
2025.02.10 / 16:29
Müəllif
Ləman Cavadova
Digər xəbərlər

Bayramov Çanaqqala Zəfəri ilə bağlı paylaşım etdi

Rusiya Azərbaycanın bu əzmindən... - Matviyenko

İrəvan sazişdə heç bir güzəştə getməyib - Ovannisyan

Paşinyan kabinetdə qədəh qaldırıb, Vardanyana deyib ki…

Bakının ittihamına İrəvandan cavab gəldi: Gözləyirik...

ABŞ buna görə Ermənistana hərbi texnika gətirir - Sensasiya

Milli Məclis Prezident və xanımını təbrik etdi

DTX Tiktokda Ordumuzla bağlı videolar yayan 18 yaşlı oğlanı saxladı

Bu gün danışacaqlar: Putinin 4 şərtini Tramp qəbul edəcək?

Milli Məclisin növbəti plenar iclası başladı

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla