Azərbaycanın Baş prokuroru Kamran Əliyevin səlahiyyət müddəti bitir.

Axar.az xəbər verir ki, o, 2020-ci il may ayının 1-də vəzifəyə təyin olunub.

"Prokurorluq haqqında" qanunun 16-cı maddəsinə əsasən, baş prokurorun səlahiyyət müddəti 5 ildir. K.Əliyevin vəzifədə olma müddəti 2025-ci il may ayının 1-də sona çatır.

Azərbaycan Konstitusiyasının 133-cü maddəsinə əsasən, baş prokuroru Azərbaycan Prezidenti Milli Məclisin razılığı ilə vəzifəyə təyin və vəzifədən azad edir.

Qanunvericiliyin tələbinə uyğun olaraq parlament may ayının 1-dək baş prokurorun təyinatı ilə bağlı məsələyə baxmalıdır.

"Prokurorluq haqqında" qanun bir şəxsin neçə dəfə baş prokuror təyin olunmasına hər hansı məhdudiyyət qoymur.