2024-cü il ərzində işğaldan azad edilmiş rayonlarda 2575 yeni iş yeri yaradılıb.

Axar.az APA-ya istinadən xəbər verir ki, bu barədə Dövlət Statistika Komitəsinin hesabatında bildirilib.

Hesablamalara görə, bu göstəricinin həcmi əvvəlki illə müqayisədə 2,1 dəfə artıb. Belə ki, 2023-cü il ərzində işğaldan azad edilmiş rayonlarda 1271 yeni iş yeri yaradılmışdı.

Ötən il ən çox yeni iş yeri Xankəndi və Laçında yaradılıb. Hesabat dövründə Xankəndidə 702, Laçında isə 471 yeni iş yeri açılıb.

Xatırladaq ki, hesabat dövründə azad edilmiş rayonlarda 380 yeni müəssisə və təşkilat, 3815 yeni fərdi sahibkarlıq subyekti dövlət qeydiyyatından keçib. Əvvəlki illə müqayisədə yeni yaradılmış müəssisə və təşkilatların sayı 2.6 dəfə, fərdi sahibkarların sayı isə 43.3% artıb.

Aşağıdakı cədvəldə 2024-cü il ərzində azad edilmiş ərazilərdə yeni yaradılmış iş yerlərinin, fərdi sahibkarlıq subyektlərinin və müəssisələrin sayı verilib: