Şadlıq saraylarında keçilirən tədbirlərdə külli miqdarda ödəniş olunmasına baxmayaraq, məclis sahiblərinə qəbz verilmir. Şadlıq evlərinin ödəniş müqabilində qəbz verməməsi insanlarda müəssisənin qanun pozuntusuna yol verib-vermədiyi ilə bağlı suallar yaradır.

Məsələ ilə bağlı Axar.az-a danışan iqtisadçı ekspert Natiq Cəfərli bildirib ki, restoran xidmətlərində ƏDV sistemi var və bu, şadlıq saraylarına da şamil olunur.

“Şadlıq sarayları vergini daha az ödəmək və vergidən yayınmaq üçün daha çox nağd ödənişlərə üstünlük verirlər. Bu isə tipik vergidən yayınma üsullarından biridir”, - deyə ekspert bildirib.

Şadlıq saraylarının toy sahiblərindən qəbul etdiyi pula görə niyə qəbz verməməsi barədə Dövlət Vergi Xidmətinə 3 gündür sorğu verilib.