16:53

Bakıda vəzifəli şəxsin xəsarət alması ilə nəticələnən bədbəxt hadisə baş verib.

Lent.az-ın məlumatına görə, paytaxtın Nəsimi rayonu ərazisində, Bakı Beynəlxalq Dəniz Limanında idarənin şöbə müdiri Fəxrəddin Səmədov yanıq xəsarətləri alıb. İdarənin Nəqliyyat Şöbəsinin müdiri F.Səmədov müxtəlif dərəcəli bədən xəsarətləri ilə Respublika Yanıq Mərkəzinə yerləşdirilib.

Bakı Beynəlxalq Dəniz Ticarət Limanından verilən məlumatda bildirilib ki, hazırda onun vəziyyəti yaxşıdır, həyatına təhlükə yoxdur və iyun ayının 11-dən ev şəraitində müalicəsini davam etdirəcək.

Hadisə Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin əməkdaşları tərəfindən qeydiyyata alınıb, araşdırma aparılır.

Qeyd edək ki, Bakı Beynəlxalq Dəniz Limanının Nəqliyyat Şöbəsi digər şöbələrdən fərqli olaraq limanın özündə yerləşir.