Sosial şəbəkələrdə Nərimanov rayonu ərazisində avtomobil yolunda sürücülər üçün təhlükə törədən açıq, lüksüz kanalizasiya girişlərinin fotoları yayılıb.

Qeyd olunur ki, sürücülər qəfil yaxalandıqları bu açıq lüklərdən qaçarkən qəza vəziyyəti yaratmış olurlar, qaça bilmədikdə isə avtomobilin zədələnməsi və ya sərnişinin xəsarət alması təhlükəsi ilə üz-üzə qalırlar.

Məsələ ilə bağlı Azərsu ASC-dən Axar.az-a bildirdilər ki, düzbucaqlı kanalizasiya girişi onlara məxsus deyil:

"Azərsu ASC yalnız dairəvi kanalizasiya girişlərinə cavabdehdir. Nərimanov rayonu ərazisində yerləşən düzbucaqlı kanalizasiya girişi "Ultel" internet şirkətinə məxsusdur".

"Ultel" şirkətindən isə saytımıza bildirildi ki, hazırda rəhbərlik işdə olmadığı üçün rəsmi cavab verə bilməzlər.