Ana səhifə Toplum |
Ötən gün Prezident İlham Əliyev "Bakı şəhərində nəqliyyat əməliyyatlarının intellektual idarə edilməsi sisteminin yaradılması haqqında" Azərbaycan Respublikası Prezidentinin 2007-ci il 26 oktyabr tarixli 2469 nömrəli sərəncamında dəyişikliklər edilməsi barədə sənəd imzalayıb.
Axar.az xəbər verir ki, sərəncamın 2-ci hissəsində "Azərbaycan Respublikasının Nəqliyyat Nazirliyi" sözü "Azərbaycan Respublikasının Nazirlər Kabineti yanında Bakı Nəqliyyat Agentliyi" sözləri ilə əvəz edilib.
Yəni Bakı şəhərində nəqliyyat əməliyyatlarının intellektual idarə edilməsi sisteminin yaradılması üzrə layihənin həyata keçirilməsinin sifarişçiliyi Nəqliyyat Nazirliyindən Bakı Nəqliyyat Agentliyinə verilib.
Bundan əlavə, sərəncamın 4-cü hissəsində Nəqliyyat Nazirliyinə məxsus səlahiyyət də Bakı Nəqliyyat Agentliyinə keçib. Belə ki, bundan sonra Bakı şəhərində nəqliyyat əməliyyatlarının intellektual idarə edilməsi sisteminin yaradılması ilə bağlı yerinə yetirilmiş işlər barədə mütəmadi olaraq Azərbaycan Prezidentinə məlumatı Bakı Nəqliyyat Agentliyi verəcək.
Tarix
2016.06.25 / 11:21
|
Müəllif
İlham Sahiloğlu
|