Bakının Nizami rayonu Rüstəm Rüstəmov küçəsinin bir hissəsi yeni görkəmdə vətəndaşların istifadəsinə verilib.

Azəravtoyol ASC-dən Axar.az-a verilən məlumata görə, küçənin təmir-tikinti işlərinin aparıldığı hissəsi Mikayıl Əliyev küçəsi və Qara Qarayev prospektləri arasında yerləşir.

Təmir-tikinti işləri çərçivəsində köhnə asfalt-beton örtüyünün üst qatının qaşınaraq yenisi ilə əvəzlənməsi işləri də həyata keçirilib.

Hazırda anoloji işlər küçənin digər hissəsində, daha dəqiqi Qara Qarayev prospekti ilə kəsişmədən Sabunçu rayonu Ramiz Qənbərov küçəsinədək (Bakıxanov qəsəbəsinə düşən yol) olan hissəsində və köməkçi yollarında da aparılır.

***

Digər təmir işləri isə Suraxanı rayonu Bülbülə qəsəbəsinin Ramiz Qarayev küçəsində aparılıb. Ümumilikdə, küçə boyu 4900 m2 ərazi asfaltlanıb.

Hazırda isə Hövsan qəsəbəsi Bağça küçəsində təmir işləri davam etdirilir.