Hər dəniz mövsümündə suda boğulma halları yaşanır.

Axar.az xəbər verir ki, mütəxəssislər sudan xilas olmuş bir adamın sonrakı həyatı ilə bağlı dəhşətli faktı insanlara nümunə olaraq göstərib.

Missuridə yaşayan ailənin 3 yaşlı qızı suda boğulma təhlükəsi ilə üz-üzə qalıb, lakin qardaşının vaxtında müdaxiləsi nəticəsində sudan çıxarılıb. Qardaşı Samın ürək masajı etməsindən sonra Lizzinin ayılması ilə balaca qızın xilas olduğunu düşünüblər. Lakin Lizzinin halsızlığının və anidən yuxuya getməsinin fərqinə varan bibisi onun yatmasına imkan verməyib. Buna səbəb isə onun "İkinci boğulma" adlı bir məqalə oxuması olub.

İkinci boğulma su udan insanlarda 72 saata qədər müşahidə edilə bilər. Boğulma təhlükəsi ilə üzləşən şəxs su udarsa, ciyərləri oksigeni qana çatdıra bilməz və belə hallarda həmin insan yuxuda ikən boğula bilər.

İkinci boğulmanın əlamətləri: halsızlıq, yuxulu olmaq, qaytarma, şiddətli öskürək, nəfəs almada çətinlik çəkmək, sinə ağrısı, yüksək hərarət və anidən əsəbiləşmə halları.

Bu halları müşahidə edən Lizzinin bibisinin sayəsində ailəsi uşağı həkimə aparıb və o, 7 saat ərzində nəzarətdə saxlanılıb.