- Məhəmməd Mursini ölüm cəzasına məhkum edən Sisi hökuməti daha çox diktatordu, yoxsa Müsəlman Qardaşlarının qeyri-leqal fəaliyyətinə 30 il dözümlə yanaşan Hüsnü Mübarək?

- ABŞ Müdafiə naziri Eşton Karter 1 milyon İraq əsgərinin İŞİD-ə qarşı döyüşmək istəmədiyini dilə gətirib. Lakin tiran adlandırılıb edam edilən Səddam Hüseynin komandanlığı altında həmin ordu özündən 2 dəfə güclü İrana qarşı 8 il rəşadətlə vuruşmuşdu. Görünür, diktatura rejiminə qulluq etmək "demokratik İraq"ın əsgəri olmaqdan daha şərəflidir!

- Rusiyanın Sovetlər dövrünün qəhrəmanlarını diriltməsi Qərbi o qədər qorxudur ki, onlar dünyaya öz ölülərini yandırıb külə çevirən hindu ənənələrini qanun kimi qəbul etdirmək istəyirlər!

- Gürcüstanda zəif prezident-güclü baş nazir institutu Qərbin çəkindirmə və balans siyasətidir. Lakin Marqvelaşvili Qaribaşvilindən çəkinmədiyindən və siyasi sistemdə tarazlıq yaranmadığından hakimiyyət qəzaları qaçılmaz olur!

- Pakistandan "Ərdoğanı 5 illiyinə bizə verin" müraciətini nəzərə alaraq Türkiyədə siyasətçilərin və dövlət adamlarının transferinə birdəfləik moratorium qoyulub!

- Makkeyn FİFA-nı dağıtmaq qərarı verib. Amerika konqresmeni ərəb qitəsində bombalarla oynanılan futbolu Avropaya keçirir!

- Azərbaycanda hakimiyyəti tənqid edənlərin hərəsinin öz qiyməti var. Sadəcə rəsm hərraclarından fərqli olaraq burada kotirovkalar yuxarıdan aşağıya doğru dəyişir!

- Ukrayna Radası hökumətə xarici borcları qaytarmamaq hüququ verib. Vaxtilə bolşeviklər də Çarın xarici dövlətlər qarşısındakı öhdəliklərini yerinə yetirməkdən imtina etmişdilər. Sovet hökuməti o borcların əvəzini çox baha ödədi!

- Qərb Rusiyaya "Türk axını"nı çəkməyə imkan vermədiyindən Putin rəqiblərinə qazın sıxılma həddini Ukraynada göstərməyə çalışır!

- Saakaşvili Odessanın qubernatoru təyin olunub. Ukraynanın Gürcüstanlaşması davam edir!

- 2004-cü il Gürcüstan inqilabından sonra qızılgül təbiətin yox, siyasətin gülüdür!

- Ermənistanda soyqırımın 100 illiyi davam edir. Serj Sərkisyanın prezidentliyi azərbaycanlıların ermənilərə ən böyük pisliyidir!

- Avropa ölkələrində siyasi hakimiyyətdə azlığı təmsil edənlərin sayı durmadan artır. Sizsə Qərb hökumətlərindən kişilik tələb edirsiniz!

- Eynicinsli nikahları görən Mendelson "Vağzalı"ya müəlliflikdən imtina edib!

- Əgər insanların sintetik üzlüklərini sökmək tələb olunsaydı, Nəsiminin dərisinin soyulması ən yüngül cəzaya çevrilərdi!

- Dünyada karton inşaat sənayesindən daha çox təhsil müəssisələrində istehsal olunur - diplom üzlüklərinə görə!