Yuxarı

Afiyəddini sən tərbiyə etmisən, indi bax “əsərinə...”

Ana səhifə Yazarlar
12 Punto 14 Punto 16 Punto 18 Punto

“Bu uşağı döymək lazımdır”, “Bu uşağı öldürmək vacibdir”, “Niyə bir kişi çıxıb bunu öldürmür?” kimi söhbətlər, yəqin ki, son zamanlar sosial şəbəkədə hər kəsin qarşısına çıxıb. Bu şiddət çağırışları etdiyi qeyri-etik hərəkətlərini çəkib paylaşan bir yeniyetməyə qarşıdır. Doğrudanmı çıxış yolu öldürməkdir?! Bununla hər şey demirəm, heç olmasa, nələrsə düzələcəkmi?

Əlbəttə ki, Afiyəddin Cəlilov adlı yeniyetmənin etdiyi bəzi hərəkətlər adamların heysiyyatına toxunur. Fəqət, kimsə bu nəticəni doğuran səbəblərdən danışmır.

Əvvəla, əgər hər qeyri-etik davranan kəsi öldürmək lazım olsaydı, dünyada nə qədər adamı edam kötüyünə sürükləmək lazım gələrdi? Məgər yeniyetmə ikən yanlış edən və yanlışını qanmayan tək o uşaqdır?

Normal insan da bir yeniyetmənin məhvini bu qədər rahatlıqla arzulaya bilər? Öz balanız belə olsa, buna necə reaksiya verərdiniz?

İkincisi, tərbiyəsi yerində deyil, psixi problemləri var: axı o, uşaqdır, ağlı müəyyən qədər kəsməyə bilər və ən əsası da səhvlərindən nəticə çıxarmaq üçün qətiyyən gec deyil!

Üçüncüsü, daha ədalətli davranaq: narkotik aludəçisidir, kiminsə ailəsinə sataşıb, qətliam törədib, kütləvi məkanda zor tətbiq edib, atəş açıb, kiməsə təcavüz edib?

Bunların hansını edib, nə günaha girib?

Allah evini yıxsın Tiktokun: uşaqların, yeniyetmələrin beynini yuyur. Yüzlərlə, minlərlə videolar çıxır qarşısına, uşaq da az ağlıyla sanır ki, bu da “qeyri-adi” hərəkətlər edə bilər...

Atası hər kəsdən üzr istədi və belə görünür ki, övladının tərbiyəsinə bundan sonra daha çox diqqət ayırmamağın əzabını çəkir.

Yeri gəlmişkən, anasının onun boynuna psixi xəstəxanada necə sarıldığını gördünüzmü? O fotonu izlədinizsə, uşaq sayıla bilən 14 yaşlı yeniyetmənin bir ailə, bəlkə də bir nəsil üçün dəyərini anlamaq bu qədərmi çətindir?

Həm də ailənin ona verdiyi dəyər daşıdığı adıdır - Afiyəddin.

Baba Afiyəddin terrorun qurbanı oldu, bu dövlət üçün canını verdi.

Bu xalq indiki qüdrətli halında nəvənin də babasının aqibətini yaşamasını arzulamamalıdır...

Əksinə, Afiyəddin Cəlilovun qeyri-adekvat hərəkətlərində öz günahımızı da axtaraq: bayağı, mənasız, dəyərlərimizi dağıdan efirlər sosial şəbəkələr qədər uşaqlarımızın tərbiyəsinə mənfi mənada təsir edir. Biz hansının qarşısını cəmiyyət olaraq alırıq?

Afiyəddin və ya afiyəddinlər artıq ailə yox, efir “tərbiyəsi” ilə böyüyür.

Fəsadlarını hələ görəcəyik – bu, hələ harasıdır ki...

Tarix
2024.02.02 / 11:52
Müəllif
Orxan Saffari
Şərhlər
Digər xəbərlər

Zelenskinin İrəvana səfərdə məqsədi... - Zülfüqarov

Qadınlar gözəl olmaq istəyirsə, bu dediyimi etsin

Elçin Şıxlının müəllim qohumu faciəli şəkildə öldü - Foto

Mənə “xalq yazıçısı” adı versələr... – Aqil Abbas

Kamil Zeynallı Rusiyaya niyə getmişdi?

Bu gün yalançı çərşənbədir: çillə bitdi

Biz Əhmədlə Şüvəlanı araşdırırıq, ermənilər Bakı sərgisi keçirir…

Ramazan ayı bu tarixdə başlayır – Rəsmi

AYB-də o qədər istedadsız adamlar var ki... – Hüseynbəyli

Yenə yığışdıq, özümüz dedik, özümüz eşitdik - Cavanşir

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla