Əgər dövlət qurumları xərcləri azaltmaqla bağlı göstərişimə əməl etməsələr, onda işdən qovulmalarını istisna etmirəm.

Axar.az xəbər verir ki, bunu jurnalistlərə Ermənistanın Baş naziri Ovik Abramyan deyib.

"Biz bir müddətdir iqtisadi islahatlar aparırıq. Əgər dövlət qurumları xərcləri azaltmaqla bağlı göstərişimə əməl etməsələr, onda işdən qovulmalarını istisna etmirəm", - Abramyan bildirib.

Qeyd edək ki, Ermənistan hökuməti mayın 12-dən etibarən qənaət rejiminə keçib. Qənaət rejiminə ezamiyyətlər, xarici nümayəndəliklərin xərcləri, xidməti maşınlar və bir çox başqa şeylər daxildir. Qənaət rejiminə səbəb isə ölkənin ağır iqtisadi durumudur.

Hazırda Ermənistanın dövlət borcu 5,079 milyard dollardır. 2016-cı ilin sonuna bu rəqəmin 5,8 milyarda yaxınlaşacağı və ümumi daxili məhsulun 57 faizini təşkil edəcəyi gözlənilir.