10:14

İstanbulun Bəyazid bölgəsində polis avtomobilinə hücum olub.

Axar.az xəbər verir ki, yola quraşdırılmış bombanın partlaması nəticəsində polis əməkdaşları yaralanıb.

Hadisə yerinə təcili tibbi yardım briqadaları göndərilib.

***

İstanbulda törədilən terror aktı nəticəsində 2 nəfər ölüb, 8 nəfər yaralanıb.

Ölən və yaralananların polis və mülki şəxs olduğu hələlik məlum deyil.

Park olunmuş avtomobilin partladılmasından sonra eyni yerdə ikinci partlayış səsi eşidilib.

***

İstanbul valisi Vasip Şahin partlayışla bağlı açıqlama verib.

Vali bildirib ki, baş verən partlayış zamanı 7 polis, 4 mülki vətəndaş həlak olub, 36 nəfər isə yaralanıb. Yaralılardan 3-nün vəziyyəti ağırdır.

***

İstanbulda partlayış zamanı yaralanan Əhməd Bayraqdar adlı mülki şəxs xəstəxanada vəfat edib. Bununla da terror zamanı həlak olanların sayı 12-yə çatıb.

İstanbul polisinin həyata keçirdiyi əməliyyat nəticəsində terrorda şübhəli bilinən 4 nəfər saxlanılıb.