Xızı rayonunun Giləzi–Xızı–Fındığan avtomobil yolu əsaslı təmirlə yenidən qurulur.

Azərbaycan Avtomobil Yolları Dövlət Agentliyindən Axar.az-a verilən məlumata görə, Giləzi-Xızı avtomobil yolunun 34-cü km-dən başlayan yerli əhəmiyyətli Fındığan yolunun uzunluğu 5 km-dir və IV texniki dərəcəlidir.

Tikinti layihəsinə uyğun olaraq sözügedən yolun eni 6-7 metrdən 10 metrə qədər genişləndirilir. Ümumilikdə yol boyu 30 min kv/m sahəyə 2 laydan ibarət yeni asfalt-beton örtüyü döşənəcək.

Layihəyə uyğun olaraq hərəkətin normal təşkili üçün yol boyu 2 yerdə avtobus dayanacağı tikiləcək, 23 ədəd yol nişanı və 200 ədəd siqnal dirəyi quraşdırılacaq.